အဖြူ

“အဖြူ”

တွေ့နေရတာအဖြူ

အဖြူဟာ ကိုယ့်စိတ်ကို လွှမ်းမိုးထား

နှင်းပွင့်ဖြူဖြူကလေးတွေဆိုတာ

လောကရဲ့အကြီးကျယ်ဆုံးအမှုန် …

ကိုယ်ဘယ်လိုခံစားနေရတယ်ဆိုတာ မပြောပြတတ်ဘူးလို့

ကိုယ်ဘယ်လိုပြောရပါ့

အဖြူဟာ အဖြူဖြစ်တယ်၊ နတ္ထိသဘောဖြစ်တယ်၊

အရာအားလုံးရဲ့ အခြေခံအကြောင်းတရားဖြစ်တယ်

ကိုယ် ဒိထက်ပို … ဘယ်လိုပြောရပါ့

သီချင်းဖြူဖြူ၊ စိတ်ကူးယဉ်အဖြူ၊ လေဟာနယ်အဖြူ

ကိုယ်ကိုယ်တိုင် အဖြူထည်မဟုတ်ပေမယ့်

ကိုယ်ကိုယ်တိုင်အဖြူ …

ပြောရင်းဆိုရင်း

အဖြူကလေးတစ်ပွင့် လွင့် လာ … ကိုယ့်အနား ။

သူရဿဝါ

သြဂုတ် ၂၇ ၊ ၂၀၁၀ ခုနှစ်