ဟန်နီဟာ မိန်းမတစ်ယောက်ဖြစ်တဲ့အကြောင်း
- သူရဿဝါ -
အခု
ဒီကဗျာမှာ ရည်ညွှန်းတာဟာ ဟန်နီဖြစ်တယ် … ဆိုပေမယ့် သီချင်းတွေထဲကဟန်နီ မဟုတ်ဘူး။
“ရက်စက်တဲ့ဟန်နီ”
“ညဥ့်ငှက်မလေးဟန်နီ” မဟုတ်ဘူး။ ကဗျာတွေ၊ သီချင်းတွေထဲ မြင်နေ တွေ့နေကျ ဟန်နီ
မဟုတ်ဘူး။
ဟန်နီဟာ
ဟန်နီဖြစ်တယ်။
မိန်းမတစ်ယောက်
… ဒီထက်ပိုရှင်းအောင်ပြောရရင် အရွယ်ရောက်ပြီးတဲ့ မိန်းမတစ်ယောက်ဖြစ်တယ်။
အခု
ဒီကဗျာရဲ့ ရည်ညွှန်းအမျိုးသမီးဟာ ဟန်နီဖြစ်တယ်ဆိုပေမယ့် ကဗျာဆရာ မြင်ဖူး၊ တွေ့ဖူးတဲ့
မိန်းမတွေအကုန်လုံး ဖြစ်တယ်။
ဟန်နီရဲ့အကြောင်းဖြစ်တယ်
ဆိုပေမယ့် ကဗျာဆရာနဲ့တကွ အခု ဒီကဗျာဖတ်နေသူအားလုံး ဖြတ်သန်းနေတဲ့ ခေတ်ကာလထဲမှာ တွေ့နေကျ
မိန်းမတွေအကြောင်းဖြစ်တယ်။
ဟန်နီဟာ
သူတစ်ယောက်တည်းအတွက်ဆိုရင်တော့ ဟန်နီပဲဖြစ်ပေမယ့် ကဗျာဆရာရဲ့ ရေးခြစ်မှုထဲ မိုဒယ်လ်ထိုင်ပေးလိုက်ရတဲ့အချိန်မှာ
ဟန်နီမဟုတ်တော့ပြန်ဘူး။
ခေတ်ရဲ့သမီးပျိုပီပီ
ဟန်နီ ဘောလုံးပွဲသိပ်ကြိုက်တယ်။
ယောင်္ကျားလေးတွေနဲ့
တစ်ဝိုင်းတည်းဘီယာဆိုင်ထိုင်ရဲတဲ့ အစွမ်းသတ္တိမျိုးရှိတယ်။
ဟန်နီဟာ
တစ်ခါတစ်ရံ သိမ်မွေ့နေတတ်တယ်။
ဟန်နီဟာ
လိုအပ်ရင် လိုအပ်သလို ညှို့တယ်၊ ငင်တယ်၊ လိမ်တယ်ခေါက်တယ်၊ လူပေးကစားတယ်၊ လိုအပ်ရင်
လိုအပ်သလို အ, ချင်ယောင်ဆောင်တယ်၊ လည်ချင်ယောင်ဆောင်တယ်။