ကိုယ် ထိုးစိုက်မြင့်တက်လိုက်
မီးပွိုင့်က မီးပွိုင့်မှာပြန်မိလို့
ဒီစားပွဲဟာ ကော်ဖီခွက်နဲ့အတုပ်နှောင်ခံထားရ
ညဉ့်ငှက်မလေးတစ်ယောက်လို့၊ ယမ်းခါသွားလို့၊
ဟောဒီအနီစင်းစင်းလေးတွေ မပြုံးပြသွားမှီ ကိုယ်လည်ပတ်လို့၊
သက်တန့်တွေအရောင်မစုံခင် *သမုဒ္ဒရာအကြောင်းဖတ်စာ ခြုံထားသော
လက်ပတ်နာရီအဟောင်းထဲမှာ ကိုယ်ကျယ်လောင်စွာ
လေတွေတဟူးဟူး တိုက်နေ
လေတွေတဟူးဟူး တိုက်နေ
ဘာကိုပြေးမြင်လိုက်သလဲလို့ ဝါကျမဆုံးခင်
တည်ဆောက်ဖျက်ဆီးနေ
မာရီလင်မွန်ရိုးလေးတစ်ထည်လောက် လိုချင်ရင်း
မနေ့ကစကားတွေလို ဆံပင်တိုတိုညှပ်ရင်း
ကလေးဘဝ၊ စကားထာဝှက်တမ်း
ခပ်နက်နက် တူးကြည့်သကဲ့သို့
ကိုယ်က မင်းဆီ “၍” လာမယ်ဆိုရင် မှန်သလား
တကယ်တမ်းက/ ခန့်မှန်းမိတာက
မဲဇာတောင်ခြေရတုလည်း စီးထွေထွေတည့်ခဲ့
ပုရေနိသင်လည်း ဆက်တိုင်းကြင်ခဲ့
ပေကျံနေတဲ့တစ်ရှူးကိုသုတ်ပေးဖို့ ပါးစပ်တွေက တိုးလာရမယ်
ဘယ်မှတ်တိုင်က ကားကိုကျော်ပြီးရပ်ချင်ပါသလဲ
လက်မမြှောက်လိုက်မချင်း
ပိတ်ထားရင်း၊ ဖွင့်ထားရင်း တံခါးတွေ။
ရည်ညွှန်း - သမုဒ္ဒရာအကြောင်းဖတ်စာ (မင်းခိုက်စိုးစန်)
သူရဿဝါ
၂၀ - မာ့ချ် - ၂၀၀၉
Image credit: Images.google.com
No comments:
Post a Comment