ကောင်းကင်ကတော့ မြေပြင်ဆီ
ထိုးစိုက်ခွဲဆင်းလာမှာမဟုတ်ဘူး
ကိုယ့်အတောင်ကိုယ်ဖွင့် ပျံသန်းကြရုံ။
အန္ဓတို့ရဲ့အိပ်မက်က လင်းလက်မနေရင်တောင်
ဖွာရရာကြဲမနေခဲ့ပါဘူးကွယ်။
လူငယ်ဆန်ဆန် ယဉ်ကျေးမှုတချို့
လူငယ်ဆန်ဆန် နေထိုင်ကျင့်ကြံမှုတချို့
ဒါကိုက ကဗျာပါပဲ။
ငါတို့နိမိတ်ပုံတွေက ခွာသံပြင်းတယ်
မမြင်တတ်နိုင်သေးသော အိပ်မက်များကိုတောင်
တရှိုက်မက်မက်တူးဖော်နှိုးဆွလို့
အန္ဓလူငယ်များ တလမ်းထဲသွားနေကြ။
ငါတို့တွေဆီတော့
ကောင်းကင်က ထိုးစိုက်ခွဲဆင်းလာမှာမဟုတ်ဘူး။
အန္ဓတွေကိုယ်တိုင်က ဝိုးဝိုးဝင့်ဝင့်ပျံသန်းကြရုံ။
အန္ဓအိပ်မက်လူငယ်ကဗျာအဖွဲ့ အမှတ်တရရေးဖွဲ့ပါသည်။
သူရဿဝါ
၀၉ - မာ့ချ် - ၂၀၀၉
Image credit: Artpal.com
No comments:
Post a Comment