ဒါ အိပ်မက်တစ်ခုပါပဲ။
မိုးသောက်နေရောင်နဲ့အတူ
ခပ်ဝေးဝေးရောက်သွားရမယ့်အရာ။
“ကိုယ့်ရင်ခွင်ကလွဲပြီး ဘယ်ကိုမှ”
အဲဒါကလည်း
ခပ်မြန်မြန်လွင့်နေတဲ့ တိမ်တွေလိုပါပဲကွယ်။
နောက်ထပ် နောက်ထပ်သော
ဇာတ်ကြောင်းအသစ်များ
ငါ့အပေါ် ဆိုးဆိုးရွားရွားအမှောင်ချ။
တကယ်တော့
ငါ့ရှေ့မှာမြင်နေခဲ့တာ
အိပ်မက်တွေချည်းပါပဲ။
အရင်းနှီးဆုံး ဧည့်သည်တွေပဲလေ
ငါ့ကို ပြန်မလာစတမ်း နှုတ်ဆက်သွားခဲ့တာ။
သူရဿဝါ
၂၂ - ဖေဖော်ဝါရီ - ၂၀၀၉
Image credit: Gettyimages.com
No comments:
Post a Comment