စံပယ်တွေတောင်
လွယ်လွယ်ပွင့်ခဲ့ကြတာမဟုတ်ဘူး ညီမလေးရယ်။
လောကနိယာမထဲ
အလိုက်သင့်အလျားသင့် နေတတ်အောင်ကြိုးစား
မင်းရဲ့ အကြီးအကျယ် ကံဆိုးခြင်းက
ကမ္ဘာပေါ်ကနေ အုပ်မိုးကြည့်ရင် ကွက်ကျားမိုးပဲ။
မင်းရင့်ကျက်သင့်တဲ့ သဘောတရားက
မှန်တင်ခုံပေါ်မှာမရှိဘူး။
စလင်းဘက်အိတ်ထဲမှာမရှိဘူး။
မင်းကြည့်ချင်တဲ့ ရှိုးပွဲလက်မှတ်ထဲမှာမရှိဘူး။
ဖြစ်နိုင်ရင်
မြင်ရတာကိုပဲ သေချာကြည့်
လူတွေအကြောင်း ကောင်းကောင်းသိလာမယ်။
တကယ်တော့.. စံပယ်တွေတောင်
လွယ်လွယ်ပွင့်ခဲ့ကြတာမှမဟုတ်ဘဲ ညီမလေးရယ်။
သူရဿဝါ
၂၁ - ဖေဖော်ဝါရီ - ၂၀၀၉
Image source; Images.google.com
No comments:
Post a Comment