ပြီးပြီ
ဂန္တဝင်မြောက်လောက်တဲ့ ဒဏ်ရာတွေက
လေထဲ မိုးထဲ ရာသီဥတုဆိုးဆိုးထဲမှာ။
မမြင်ရပါဘူး။
လေညှင်းညှင်းလေးတိုက်တာတောင် နာတယ်။
ကိုယ်တစ်ယောက်တည်းပဲ သိပါရဲ့။
ရင်ဘတ်ပေါ် ရွာချသွားတဲ့အလွမ်းက
ခြေရာမဲ့တယ်
ရောင်းတန်းဝင်ပန်းချီကားတစ်ချပ်မဟုတ်ဘူး
ဒါပေမဲ့ ကြီးကျယ်ခမ်းနားတယ်။
ဆွဲထုတ်ပစ်လို့မရတော့တဲ့
မျှော်လင့်ချက်အသေတွေက
နေလို မီးလို ပူတယ်
ပြီးခဲ့ ဆုံးခဲ့
အားလုံးပြီးခဲ့ပြီ။
သူရဿဝါ
၂၂ - ဖေဖော်ဝါရီ - ၂၀၀၉
Image source; Images.google.com
No comments:
Post a Comment