ကြေကြေကွဲကွဲ
ဒီထက်ပိုပြီး
ကြေကြေကွဲကွဲ
နတ်ဆိုးရဲ့
လောင်းရိပ်တွေအောက်
ဒူးထောက်ထားခဲ့ရတဲ့
ညတွေမှာ။
မြင်ရက်စရာမကောင်းတဲ့
ဒဏ်ရာဒဏ်ချက်များ
သွေးအလိမ်းလိမ်းကျ
သိမ်ငယ်မှုများ
ငါ့ရာဇဝင်မှာတောင်
ငါက သူရဲကောင်းမဖြစ်ခဲ့ရတဲ့ကောင်ပါ။
ရင်ထဲက အနာတွေများ ထွက်ကျသွားမလားလို့
ခေါင်းကိုသာ
တွင်တွင်ငုံ့ထားမိတယ်။
မနက်ဖြန်အမည်ခံထားတဲ့
ဒဏ်ရာအသစ်တွေဆီကို
တဆစ်ဆစ်နာကျင်မှုတွေသယ်ပြီး
မသွားချင်တော့ဘူး။
သူရဿဝါ
၃၀ - ဧပရယ်လ် - ၂၀၀၈
Image source; Silhouette.pics
No comments:
Post a Comment