အချစ်ကဗျာ

မျက်လုံးလေးတစ်စုံအတွက်
ဟောဒီရင်ဘတ်
တလှပ်လှပ်ဖြစ်တတ်လာမှုကအစပေါ့။

ကိုယ်တတ်နိုင်တာက
စိတ်ကူးလေးတွေကို လှလှပပထုဆစ်
“အချစ်” လို့ခေါင်းစဉ်တပ်ထားရုံလောက်ပဲ။
ဆန္ဒတွေကို မချင့်မရဲသိမ်းခေါက်
ရောက်ရာအရပ်မှာ ပြန်ဖွင့်ကြည့်ရုံလောက်ပဲ။

ဖြစ်နိုင်မယ်ဆိုရင်
ရင်ခွင်တစ်ခုလုံးကိုခြွေချ
ချစ်တတ်လာအောင် ကြွေပြချင်တာလေ။

ပေတိပေကပ်အမူအယာနဲ့
ကိုယ့်ရဲ့ ကြယ်ဆိုးမလေးရေ
ရင်ခုန်သံချင်း ကိုင်းကူးကိုင်းဆက်နည်းအရ
မင်းရဲ့နှလုံးသားထဲ
ကိုယ့်ကို ဝတ်မှုန်ကူးခွင့်ပြုပါ။

 

သူရဿဝါ
၁၃၊ ဖေဖော်ဝါရီ၊ ၂၀၀၈
Image source; Images.google.com