သူငယ်ချင်းကောင်း မိတ်ဆွေကောင်း

(၁)

မမိုးခါးက `သူငယ်ချင်းကောင်း မိတ်ဆွေကောင်း´ ဆိုသော ပို့စ်တစ်ခုတဂ်ပါသည်။ တကယ်တော့ ထိုခေါင်းစဉ် အသွားအလာမျိုးဖြင့် ဆောင်းပါးတစ်ပုဒ် ရေးချင်ခဲ့သည်မှာကြာပြီ။ သို့သော် မရေးဖြစ်ခဲ့။ အခုတော့ ရေးဖြစ်ပါပြီ။

ကျွန်တော် ရေးခဲ့ဖူးတာလေးတစ်ခု ရှိပါသည်။ `သူငယ်ချင်းဆိုတာ ဘယ်တော့မှ နေမ၀င်မယ့် အေးအေးချမ်းချမ်း ညနေပျို´ ဟူ၍ … ။ ကျွန်တော် က ကဗျာဆရာဆိုတော့ `သူငယ်ချင်း´ ဆိုတာကို ထိုကဲ့သို့ ကဗျာဆန်ဆန် တင်စားလိုက်ခြင်းဖြစ်၏။

(၂)

`သူငယ်ချင်းကောင်း မိတ်ဆွေကောင်း´ … ။ ထိုသို့ဆိုလျှင် `သူငယ်ချင်း´ နှင့် `မိတ်ဆွေ´ ကို ခွဲခြားပြောရမည် ထင်သည်။ `သူငယ်ချင်း´ နှင့် `မိတ်ဆွေ´ မတူဘူးလားဟုဆိုတော့ (ကျွန်တော့်အမြင်) မတူဘူးဟုပင် ထင်ပါသည်။

`မိတ်ဆွေ´ ဟူသော ဝေါဟာရတွင် ခင်မင်ရင်းနှီးခြင်းပါသော်လည်း ပေါင်းသင်းဆက်ဆံခြင်းက ပါချင်မှ ပါလိမ့်မည်။ `သူငယ်ချင်း´ ဆိုတာကတော့ ဒီလိုမဟုတ်။ ခင်မင်ရင်းနှီးခြင်းအပြင် တစ်ဦးနှင့်တစ်ဦး ပေါင်းသင်းဆက်ဆံခြင်းကပါ အဓိကကျသော အချက်ဖြစ်၏။ ဒီထက်ပို၍ ပြောရလျှင် `သူငယ်ချင်း´ များသည် ကျွန်တော်တို့၏ တစ်နေ့တာ အချိန်ဇယားတွင်ပင် အတိုင်းအတာတစ်ခု သတ်သတ်မှတ်မှတ်ပေးရလောက်အောင် အရေးပါကြ၏။

(၃)

ကိုယ်ကြုံတွေ့နေရသော နှလုံးသားရေးရာ ပြဿနာ၊ ပျော်စရာ၊ စိတ်ညစ်စရာ စသည်တို့ကို မိတ်ဆွေတစ်ဦးအား ပြောပြချင်မှ ပြောပြမည် ဖြစ်သော်လည်း သူငယ်ချင်း တစ်ဦးဦးကိုတော့ တိုင်ပင်အကူအညီတောင်းလျှင်တောင်း မိကြမည်။ မိတ်ဆွေတစ်ဦး၏ လုပ်ဆောင်ချက် အချို့အပေါ် ဝေဖန်ရှုံ့ချခြင်း၊ ချီးကျူးထောက်ခံခြင်း လုပ်ချင်မှ လုပ်မည်ဖြစ်သော်လည်း သူငယ်ချင်း တစ်ဦးအပေါ် ၄င်း၏လုပ်ရပ်နှင့် ပတ်သက်၍ စိတ်ဆိုးဒေါသထွက်ခြင်း၊ ကူညီအကြံဥာဏ်ပေးခြင်းတို့ကို ပြုလုပ်ချင် ပြုလုပ်မိမည်ဖြစ်သည်။ ၄င်းတို့အပေါ် ထားရှိသော စိတ်ခံစားမှု အနေအထားကွာခြားမှုကပင် `သူငယ်ချင်း´ နှင့် `မိတ်ဆွေ´ ကို ခွဲခြားပစ်လိုက်ခြင်း ဖြစ်သည်ဟု ကျွန်တော် ကတော့ ထင်ပါသည်။

(၄)

ကျွန်တော့်တွင် သူငယ်ချင်း၊ မိတ်ဆွေများစွာ ရှိပါသည်။ မိသားစုနှင့် အနေနည်းသော ကျွန်တော့အဖို့ မိတ်ဆွေ၊ သူငယ်ချင်းများစွာ ရှိသည်မှာ မထူးဆန်းသော ကိစ္စတစ်ခုဖြစ်၏။ တကယ်ပင် `သူရဿဝါ´ ဟူသော လူတစ်ယောက်တွင်၊ `ဘုန်းသန့်ကျော်´ ဟူသော လူတစ်ယောက်တွင် သူငယ်ချင်း မိတ်ဆွေတို့၏ အရေးပါမှုက များစွာပေါင်းစပ်ထားခြင်း ဖြစ်ပါသည်။

ကျွန်တော့်သူငယ်ချင်းတိုင်းလိုလိုက ကျွန်တော့်ကို `သဘောကောင်းသော၊ စိတ်ရှည်သော၊ သည်းခံတတ်သော´ သူငယ်ချင်းတစ်ယောက်အဖြစ်မြင်ကြသည်။ တကယ်တော့ ကျွန်တော်က အလွန်စိတ်ဆတ်သော၊ စိတ်တိုလွယ် သောကောင်တစ်ကောင်သာဖြစ်ပါသည်။

ထိုစဉ်က ကျွန်တော်နှင့်ပေါင်းသောသူငယ်ချင်း ၂၂ ယောက်ရှိသည်။ တစ်ဖွဲ့လုံး ဒဂုံတက္ကသိုလ် ဇူးမေဂျာမတွင် တက်ရောက်ကြသူများဖြစ်ပြီး ကျွန်တော်တစ်ယောက်တည်း နည်းပညာတက္ကသိုလ်ကျောင်းသားဖြစ်သည်။ ထို့ပြင် တစ်ဖွဲ့လုံးတွင် ကျွန်တော်ကအသက်အငယ်ဆုံးလည်းဖြစ်သည်။ ထို့ကြောင့် ကျွန်တော့်အား သူတို့က ကလေး တစ်ယောက်လိုသဘောထားပြီး တစ်ချိန်လုံးစကြ၊ နောက်ကြသည်။ သူတို့က စလေ၊ ကျွန်တော်က ဒေါသထွက် လေ၊ ဒေါသကို နဂါးမီးလျှံတွေလို မှုတ်ပြလေနှင့် သံသရာလည်၏။ သို့သော် ကျွန်တော်ဘယ်လောက် စိတ်ဆိုးပြီး နစ်နာအောင်ပြန်ပြောပစေ၊ ကိုယ်ထိလက်ရောက်ပြန်လည်ကျူးလွန်ပစေ… ကျွန်တော့်အား စိုးစဉ်းမျှပင် ဗွေမယူခဲ့ ကြပါ။

ကြာတော့ ကျွန်တော်တွေးမိလာ၏။ `ငါ့ကိုသူတို့က ခင်လို့မင်လို့ စကြနောက်ကြတာပဲလေ… ငါစိတ်ဆိုးလို့ ဘယ် ကောင်းပါ့မလဲ ….. ငါဘယ်လောက်ပြန်ပြောပြော သူတို့လည်းစိတ်ဆိုးကြတာမှမဟုတ်တာ´ ဟူ၍။ နောက်ပိုင်း ကျတော့ သူတို့ကျွန်တော့်ကိုဘယ်လိုပင်စကြသည်ဖြစ်စေ (ယုတ်စွအဆုံး … ကျွန်တော့်ကိုတွေ့၍ မအေနှမ ဆဲနည်းတစ်မျိုးဖြင့် လှမ်းခေါ်လျှင်တောင်) ကျွန်တော် စိတ်မဆိုးတတ်တော့ပါ။ ထိုအသုံးအနှုန်းက ကျွန်တော့် အပေါ် တင်စီးလို၍မဟုတ်ဘဲ ကျွန်တော့်အားခင်မင်မှုကိုပြသော ဝေါဟာရတစ်ရပ်အဖြစ် ကျွန်တော်လက်ခံထား လိုက်ပါသည်။ ထို့နောက်ပိုင်း ဘယ်သူနှင့်ပေါင်းသင်းသည်ဖြစ်စေ ကျွန်တော့်တွင်ထိုအကျင့်က စွဲကျန်ရစ်ပါတော့ သည်။ ယခုလက်ရှိပေါင်းသောသူငယ်ချင်းများက အလွန်စိတ်ဆိုးလွယ်သောကျွန်တော့်အား သဘောကောင်း၊ စိတ်ရှည်သည်းခံသော သူငယ်ချင်းအဖြစ်မြင်ကြသည့်အတွက် ကျွန်တော်ကျေးဇူးတင်ရမည်မှာ ယခင်ကသူငယ် ချင်းများပင်ဖြစ်သည်။ ၄င်းတို့က ကျွန်တော့်အား အပြုအမူကောင်းတစ်ခုကို တဖြည်းဖြည်းချင်းသင်ပေးခဲ့ခြင်းပင် ဖြစ်သည်။

ကျွန်တော်ကံကောင်းတာတစ်ခုက ကျွန်တော်ကြုံတွေ့ခဲ့ရ၊ ကြုံတွေ့နေရသော သူငယ်ချင်းမိတ်ဆွေအားလုံးလို လို သူတစ်ပါးအပေါ် မကောင်းသောစိတ်ထားမျိုးမရှိတတ်ကြသူများ၊ ကိုယ်ကျိုးမကြည့်တတ်ကြသူများဖြစ်နေခြင်း ပင်။

(၅)

ကျွန်တော်ရေးချင်သည်ကို ရေးလိုက်ရ၍ ကျေနပ်ပါသည်။ ယခုပိုစ့်လေးရေးဖြစ်အောင် တဂ်သော သူငယ်ချင်း မမိုးခါးကိုလည်း ကျေးဇူးအထူးတင်ပါသည်။ ကျွန်တော့်အတွက်တော့ ကျွန်တော်ပေါင်းသင်းဆက်ဆံနေသော သူငယ်ချင်း၊ မိတ်ဆွေအားလုံးသည် `ဘယ်တော့မှနေမ၀င်မည့် အေးအေးချမ်းချမ်းညနေပျို´ များပင်ဖြစ်ကြပါ သည်။

(နောက်ဆက်တွဲ)

ထုံးစံကို မရုန်းကန်ရဘူး ဟု ကျွန်တော်တို့ သုံးနှုန်းလေးရှိသည့်အတိုင်း တဂ်ပိုစ့်ကို လက်ဆင့်ကမ်းသည့် ထုံးစံ စတင်ပါမည်။ ယခု `သူငယ်ချင်းကောင်း မိတ်ဆွေကောင်း´ ပိုစ့်ကို ကျွန်တော့်သူငယ်ချင်းများ ဖြစ်ကြသော ဇာတိ ၊ သောတ ၊ မနှင်းဆီနက် နှင့် နွေးနွေးသဲမွန် တို့ကို ပြန်တဂ်ပါသည်။ ဖြစ်နိုင်လျှင်… အားလပ်လျှင် ရေးပေးကြပါ။