ချစ်မိခြင်းပါတဲ့လား
အမိုက်မဲဆုံးတောင့်တမှုလို့ပဲပြောပြော
သူနဲ့အတူသာဆိုရင်
သံသရာအဆက်ဆက် လည်ပစ်လိုက်ချင်ရဲ့
ကိုယ့်အချစ်က မိုးဆုံးမြေဆုံးပါပဲကွယ်
မင့်ရယ်သံလေးထဲမှာ ရောင့်ရဲမှုတွေပျောက်ဆုံး
နာရီတွေလည်တာတောင် မုန်းမိတယ်
ကိုယ့်နားမှာ ရပ်တန့်နေစေချင်တဲ့ရထားလေးဟာ သူပဲ
အချစ်နဲ့ခင်းမိတဲ့ သက်တန့်ရောင်စဉ်များ
ကိုယ့်အပေါ် ဖြာဖြာလင်းလင်း
ရှုံးချင်လည်း ရှုံးသွားပါစေကွယ်
ကိုယ်က မင်းရဲ့ဘဝသုံး ဝေါဟာရတစ်ခုဖြစ်ချင်တယ်
အဲဒီလိုနဲ့ မျှော်လင့်ချက်တွေကို အထပ်ထပ်ပြန်နှိုး
သူမသိအောင် ကိုယ့်အချစ်တွေ မိုးထားလိုက်မိတယ်။
သူရဿဝါ
၁၀ - မာ့ချ် - ၂၀၀၉
Image credit: Fineartamerica.com
No comments:
Post a Comment