ဇာတ်ဝင်ခန်း ၂၄

ဒါဟာ

လူ့ပြည်ကအပ်တစ်စင်းနဲ့ ဗြဟ္မာ့ပြည်ကအပ်တစ်စင်း ထိတွေ့ကြတာမဟုတ်ဘူး

လူတစ်ယောက်ရဲ့ ဆန္ဒတွေနဲ့ လောကရဲ့ဇာတ်ဝင်ခန်းများ ထိပ်တိုက်တွေ့ကြတာ

ကြည့်လို့တော့ကောင်းလာပါလိမ့်မယ်

အခုပဲ ဇာတ်ဝင်ခန်း ၂၄

တခါတလေတော့လည်း `ဒီလိုပါပဲ´ အမရယ်

အမြဲတမ်းလည်း `ဒီလိုပါပဲ´ အမရယ်

ဘ၀ဆိုတဲ့ကောင်က သူ့ကြိုးဝိုင်းထဲပဲ ကျနော်တို့ကို

အတင်းဆွဲ ဆွဲခေါ်သွားတတ်တာ

ပေါ်လာလိုက် … မြုပ်သွားလိုက်

မြုပ်သွားလိုက် … ပေါ်လာလိုက်နဲ့

ကျနော်တုိ့ ရေကူးနေကြတာလား

ခပ်ဆင်ဆင်တော့ တူပါတယ်

ဘ၀ကို အလျားလိုက်ကြီး ဖြတ်ကူးနေရတာ

အခုလိုမျိုး မွေးနေ့ပွဲတွေလည်းပါ၊

အိမ်ယာထူထောင်ခြင်းတွေလည်းပါ၊

စိတ်ကျရောဂါတွေလည်းပါ၊

လက်ခုပ်လက်ဝါးတီးသံတွေလည်းပါ၊

ဘာများကွဲပြားခဲ့ကြလို့လဲ

သိပ်လည်းမပူပန်ပါနဲ့ အမရယ်

ကံဆိုးတယ်ဆိုတာလည်း တကယ်တမ်းတော့

ပန်းက ရနံ့ကို လွှင့်ပစ်လိုက်သလောက်လေးပါ

……………………………..

……………………………………. ဟိုတစ်ဖက်ကမ်းကို ရောက်ခါနီးတဲ့အခါ

ဒဏ်ရာအနာတရတွေအကြောင်းသိလာတဲ့အခါ

အတုတွေ အစစ်တွေအကြောင်းသိလာတဲ့အခါ

`လူဆိုတာ ……..´ လို့ နောင်လာနောက်သားတွေကို ပြောပြလာနိုင်တဲ့အခါ

အဲဒီအခါကျရင်

လူ့ပြည်ကအပ်တစ်စင်းနဲ့ ဗြဟ္မာ့ပြည်ကအပ်တစ်စင်း

ဖြည်းဖြည်းညင်းညင်း ထိလာလိမ့်မယ်

အခုက …

ဇာတ်ဝင်ခန်း ၂၄

ကြည့်လို့တော့ကောင်းလာပါလိမ့်မယ်

ရှေ့လျှောက် လူတစ်ယောက်ရဲ့ဆန္ဒတွေနဲ့ ဇာတ်ဝင်ခန်းများထိပ်တိုက်တွေ့ကြပုံ

သူငယ်ချင်း အမကြီး မမိုးခါးရဲ့ ၂၄ နှစ်မြောက်မွေးနေ့တုန်းက အမှတ်တရရေးပေးတဲ့ကဗျာပါ